გაკვეთილის გეგმები

გაკვეთილის გეგმა

საგანი: მათემატიკა

სწავლების საფეხური/კლასი; VI კლასი (სსმ მოსწავლე კლასს არ ჰყავს)

მოსწავლეთა რაოდენობა: 15

თემა: მრავალწახნაგები

მიზანი:    მოსწავლეებმა გაიხსენონ და სისტემაში მოიყვანონ ბრტყელი და სივრცითი ფიგურების

                შესახებ შეძენილი ცოდნა, განივითარონ ფიგურების და ფიგურათა  ელემენტებს შორის

    მიმართებების დადგენის უნარ-ჩვევები. გამოიყენონ ეილერის ფორმულა სივრცული ფიგურების

     ელემენტების რაოდენობის დასადგენად;

N	აქტივობა	მეთოდი	კლასის ორგანიზების ფორმები	სასწავლო რესურსი	დრო
1	საორგანიზაციო ნაწილი-დაფაზე წინასწარ გავაკარი გაკვეთილის თემა, მიზანი და შეფასების რუბრიკები.		საერთო საკლასო	ფორმატზე ამიბეჭდილი გაკვეთილის მიზანი და შეფასების რუბრიკები	3
2	წინარე ცოდნის შემოწმება.მოსწავლეებს ვუჩვენებ პრეზენტაციას ბრტყელ ფიგურებზე, პარალელურად  დავუსვამ კითხვებს მათთვის ცნობილი გეომეტრიული ფიგურების შესახებ(წერტილი, მონაკვეთი, წრფე, სამკუთხედი, ოთხკუთხედი, კვადრატი, ხუთკუთხედი, ექვსკუთხედი).	გონებრივი იერიში	საერთო საკლასო	პროექტორი, კომპიუტერი, დაფა,ცარცი,	5
3	მოტივაციის შექმნის მიზნით მოსწ. ვაჩვენებ პრეზენტაციას სივრცულ ფიგურებზე	დემონსტრირების	საერთო საკლასო	პროექტორი, კომპიუტერი	5
4	ვიდეოს ნახვის შემდეგ გავიხსენებთ სივრცითი ფიგურების ატრიბუტებს(წახნაგი, წვერო, წიბო).	მინი ლექცია	საერთო საკლასო	სივრცითი ფიგურების სხვადასხვა სახის მოდელები.	5
	კლასი დავყავი 3 ჯგუფად. მოსწავლეები მუშაობენ ჯგუფებში, წინასწარ მომზადებულ სივრცითი ფიგურების მოდელებზე. I ჯგუფი- სამკუთხა და ოთხკუთხა პრიზმაზე II ჯგუფი- ოთხკუთხა და ექვსკუთხა პირამიდაზე III ჯგუფი-ტეტრაედრი და ოქტაედრზე. ცხრილში შეაქვთ  მრავალწახნაგას წვეროს, წიბოს და წახნაგის რაოდენობა.	ჯგუფური მუშაობა	ჯგუფური	სივრცითი ფიგურების სხვადასხვა სახის მოდელები, მარკერი, ფორმატი, წინასწარ გამზადებული ცხრილი.	5
5	ჯგუფის მიერ შესრულებული დავალებების  პრეზენტაცია	პრეზენტაცია	საერთო საკლასო	დაფა,ცარცი, მარკერი.	5-5 წთ. თითო ჯგუფს (სულ. 15წთ)
6	მოსწავლეების მიერ წარმოდგენილი პრეზენტაციის საფუძველზე, მათივე აქტიური ჩართულობით  ეილერის ფორმულის გამოყვანა და  თემის შეჯამება	მინი ლექცია	საერთო საკლასო	დაფა,ცარცი,მარკერი, პლაკათი  (ეილერის ფორმულა).	5
7	ახალი მასალის გამოყენებით საშინაო დავალების მიცემა	დაკვირვება	საერთო საკლასო	სახელმძღვანელო, რვეული	2

ეროვნული სასწავლო გეგმის სტანდარტი

მათ.VI.7. მოსწავლეს შეუძლია სივრცული ფიგურების ამოცნობა, აღწერა და სხვადასხვა ხერხით გამოსახვა.

შედეგი თვალსაჩინოა, თუ მოსწავლე:

Ø  ასახელებს სივრცული ფიგურის შესაძლო ტიპს მისი მოცემული გეომეტრიული ატრიბუტების მიხედვით (მაგალითად, წახნაგების ფორმა და რაოდენობა);

Ø  აღწერს სივრცულ გეომეტრიულ ფიგურათა მოცემულ გრაფიკულ გამოსახულებებს ან ფიგურათა ურთიერთმდებარეობას შესაბამისი ტერმინოლოგიის გამოყენებით (მაგალითად, მართკუთხა პარალელეპიპედის რომელ წახნაგებს ეკუთვნის მითითებული წვერო);

Ø  ამზადებს სივრცული ფიგურის შლილს; განასხვავებს სივრცულ ფიგურებს მათი შლილების მიხედვით.

მათ.VI.9.  მოსწავლეს შეუძლია ფიგურებსა და ფიგურის ელემენტებს შორის მიმართებების დადგენა.

შედეგი თვალსაჩინოა, თუ მოსწავლე:

Ø  სხვადასხვა ფიგურისათვის (ბრტყელი, სივრცული) ითვლის და ერთმანეთს ადარებს ეილერის მახასიათებლის მნიშვნელობებს; იყენებს ეილერის ფორმულას სივრცული ფიგურების ელემენტების რაოდენობის დასადგენად;